2013年2月5日 星期二

《澳人饋青洲蟹》譚瑩與誰一起開大餐


清.咸豐年譚瑩大學士走難來到澳門, 以前叫避兵, 正如《澳人饋青洲蟹》此詩第七句:

  島中珍味冠熊魚,一例無腸企不如。風雪估帆天氣換,烽煙蠻榼世緣疎;
誰堪出將徵佳兆,人笑居夷乏遠書。聞說避兵仍踵至,大都留饗武陵漁。

  當然, 送給大學士的, 起碼都一籮了, 不會是一隻吧. 所以, 才可以叫班官員老友一起來吃, 作番首詩, 鼓勵大家, 詩中說: "人笑居夷乏遠書", 已表示出成班人在一起, 想知道家鄉的情況, 可惜大學士也不知道, 大家笑起來了. 但譚學士可以告訴大家, 落難的人將會湧到澳門. (林則徐到澳門時, 澳門人口只有9千, 太平起2後, 增加至近8萬)
⋯⋯ 當時, 一起食蟹的,仲有佢個仔, 幾歲的譚宗浚. 另外, 譚生老友的親戚崔慶球同佢細佬, 亦在澳門, 崔細佬只有5歲. 仲有, 譚生的同事, 大學士兼澳門地膽何文綺. 試想如果來的官員, 後來成為考官, 你班細路又天才橫溢, 將來上京考試, 是否有著數呢?

崔慶球一家幾代上下, 都係做官, 家族生意又大, 在澳門好似有生意.

以上版權我所有, 信不信由你, 澳門仲未冇人分析得到此詩, 原來是和咁多人在食大餐的.
 
最緊要是個細路譚宗浚, 後來個大女, 與阿崔的另一個姪, 通婚. 擺明(在澳門, 因為證明唔到)指"福"為婚.
以上, 崔家走落澳門, 是崔老太的主意, 大要知道, 當時的歷史背景, 澳門冼志亮剛剎了葡督阿馬留不久, 所以要說服的人,太多了. 因此, 可能帶左好多其他老友的細路到澳避一避, 好多人多謝佢, 崔老太賀壽時, 來的嘉賓陣容, 勁!!! 當然,包括上述後來考得榜眼的譚宗浚. 仲有....
 

澳門抗日戰爭的崔氏人物

澳門抗日戰爭的崔氏人物

 僅按<濠江風雲兒女>一書內容, 精選出來. (最近, 塔石澳門歷史檔案館,陳大白專題亦即此書事跡 )
1. 崔諾枝, 四界救災會名譽顧問, 贊助人,
2. 崔瑞琛, 四界救災會宣傳部勸銷股主任,
3. 崔楷, 回國服務團第四隊副隊長,
4. 崔養, 捐金筒導勸獻金第二隊人員,
5. 崔國興, 四界救災會游藝部音樂股副主任,  女伶唱曲籌款大會音樂家,
6. 崔兆堃, 女伶唱曲籌款大會音樂家, 
7. 崔永君, 女伶唱曲籌款大會認購, 

 澳門四屆救災會是澳門著名的抗日戰爭組織, 集學術,音樂, 戲劇, 體育的青年精英, 他們在澳門統籌各項救國活動, 深得民心.

崔族雄霸澳門新馬路鐘錶業

 
抗戰的崔氏錶行捐資救國, 到了戰後, 於澳門最旺的新馬路上, 更發展至四間以崔姓為行頭的鐘錶公司, 他們分別是崔銳記, 崔文記, 崔源記 及 崔順隆等錶行. 據香港宗親稱, 仲有些在橫街.

按1962年的"工商年鑑"顯示, 整條新馬路共有錶行九間, 崔族的弟兄門已經佔去其四. 真有崔氏鐘錶一條街的氣象. 由於種種的變遷, 現有銳哥獨力作戰,而順隆的"文物"招牌, 仍顯然可見. 

 記得當年, 族兄榮哥離開的時候, 特首鏵哥親身前往拜祭, 江湖地位可見一斑.

沙頭崔氏與十三行的關係

沙頭崔氏與十三行的關係

又係崔師貫的一家 , 玩哂咩! 冇法. 據佢講, 北江沿岸都有公司, 連鎖店, 晨早便有了!

 道光年間, 樹三公曾經建議將田地改種蠶絲, 老友是譚瑩, 老譚同十三行熟到冇人有. 另外, 澳門有個叫梁慶桂的十三行後人, 又係親戚. 悶親吧!!!

冇法, 9成係崔氏老太婆在咸豐年, 因為太平之亂, 力排眾議, 救哂成班人到澳門避難, 為答謝佢, 於是指"福"為婚, 個個親上加親.  譚瑩的"青洲蟹"有冇關係呢?

抗戰前後的澳門崔氏

抗戰前後, 澳門崔氏的三派系鼎足而立, 互相照應. 崔家軍團在澳門氏族排名方面, 最低限度, 在慈善界別, 肯定排名第一.
該三派(不分次序)分別為番禺、新會及沙頭 . (其他派系如鹤山, 廣州, 清遠, 電白等等暫在查證中, 因其活躍於港澳. )


   番禺有聘西、 偉邦; 

   新會有六、德祺;
 
   沙頭有諾枝, 養等等, 人才眾多, 一時未能盡錄.


他們分佈行業廣泛, 以上六位的行業, 便染指了銀行、醫生、建築、飲食、傢俱、服裝等等.

當然, 論數量肯定未達一姓萬丁的境界, 但從上看, 應該也不少, 只是大家互不知道而已.

崔通約與澳門

革命奇人崔通約
崔通約自稱”師有為、友中山”, 此說話, 看似是可以的. 不過, 在一百年前的清末, 他的革命生涯, 便處於生和死的夾縫. 試想, 康有為保皇黨一邊已經認定你是叛變, 加上清軍的追殺, 走投如何有路? 革命黨又充滿懷疑的態度, 1905年, 孫中山先生本人亦發信至南洋, 叫人唔好信佢. 所以, 他的故事, 確是充滿電影情節的成份.
崔通約與澳門
1. 崔通約與史堅如爆出辛亥第一爆, 清軍大舉追捕, 史堅如成了烈士, 他逃至澳門, 曾任教領南.
2. 後來自己做老闆避世, 在大三巴即現在的手信街附近, 開了間”滄海學塾”,自己教哂佢, 單是康有為弟子這個招牌, 已經夠做了, 其中著名的學生有, 利氏等.仲男女同校TIM, 相信應該入澳門教育史. 可惜, 做了四年, 又要去革命了.
3. 宗教方面, 佢就巴閉, 自稱"通約"—即通曉新舊約的意思, 而且, 真材實料, 嶺南大學為梁發攪紀念, 崔通約便為其寫碑文. 勁! 吓, 你唔知梁發係咩水!!! 梁發是中國第一個基督教的傳教士, 馬禮遜的左右手 。
4. 上面三點都好正氣, 接下來都係, 只不過給英國佬及某些惡勢力污染左JACK, 那如何說起, 只因二個字”洪門”, 這個專門對付異族的組織, D鬼佬一定封殺佢啦, 好多人以為我一定是壞份子, 為”洪門”講好話, 如果有人如此想, 必定是中了港英餘毒之害. 點解, 好簡單, 孫中山的革命最大來源, 便是洪門, 洪門為了推翻滿清, 將掌管全球的最高權力”紅棍棒”交到孫中山手上, 連孫先生亦說, 他亦估不到原來”它”是一份可以推翻整個朝代的力量. 故此, 專稱孫先生是史上最強的紅棍王, 相信很難有人反對. 正氣吧!!! 那麼, 崔通約又關洪門咩事? 當然啦, 時間關係, 簡單說, 加拿大山長及上海開山山長(即坐館), 報紙記載, 佢成六十歲時, 一個頂六個生事者, 強勁!!!!!!! 只講咁多. 有機會再詳述.

蓮峰廟的一段澳門崔氏源流

日前, 和中山華叔一班去蓮峰廟, 教他們如何開"天眼", 在那裡睇出一堆崔氏歷史.大師華本來不去, 一聽到開"天眼", 即刻跟住, 素來, 只有佢教人, 呢次....... 哈哈!! 

開"天眼"!, 看似十分簡單, 雖然只是"單反天眼", 如果沒ISO, 光圈, 快門,長火, 腳架等一大堆東西配合, 一樣睇唔到, 最後, 當然要找到"方位"啦, 大師給我激死道:, '咁叫開天眼!!!', 我哈哈的說," 上面黑'麻麻' , 難道你有甚麼好計." 佢回應說, '咁又係'. 總之, 大家知道了蓮峰廟值理會, 這個澳門官廟的歷代首事(即今日的會長), 由明代至清末, 有一堆崔氏宗親把持, 大家都高興一番便是了.

上次為了呢段明代源流, 巧遇華叔於番禺祠堂, 一老一嫩, 一中山一澳門, 祖籍在沙頭, 真是95+8, 除了祖宗指引之外, 都沒甚麼可以解釋.

 之後, 又去到另一間古廟, 睇碑文內的捐獻紀錄. 我好快咁, 呢度, 哥度, 將數個崔家善長點出. 華叔呢位中山寫譜人, 見多識廣, 即刻指著某行說, 呢個名, 佢係邊處, 有條橋用佢名, 即係亞邊個老豆. 當然, 是名人.

大師華, 又捉住我, 快D寫本書出版, 大家睇啦.

那一位名人老豆, 又係叫阿"華", 但後面有一個"根"字.
識他兒子的很多, 但好似我咁, 識到他的父親, 真係除左講古或者報夢之外, 冇得解釋.